آپ کی چاہت کروں یا نہ کروں

دل سے میں حجت کروں یا نہ کروں

چل پڑا ہوں بے کلی کی ہے گزر

راستو! وحشت کروں یا نہ کروں

عشق ہے سود و زیاں سے بے خبر

عشق سی فطرت کروں یا نہ کروں

اس سے کوئی پوچھ آئے کہ اسے

دل سے میں رخصت کروں یا نہ کروں

اک تصور مِیں ہی مَیں گم سا رہا

خود پہ میں حیرت کروں یا نہ کروں

وقت نے کر تو دیا پتھر مجھے

آئینو! زحمت کروں یا نہ کروں

زینؔ ہے پھر بے کلی سی بے کلی

ضبط کو عادت کروں یا نہ کروں

(آپ کی چاہت کروں یا نہ کروں)

(دل سے میں حجت کروں یا نہ کروں)

سید انوار زینؔ

زمرہ جات

زندگی ہے نبی کی نبی کے لئے تضمین از ادیب رضا بدایونی خسروی کے لئے سروری کے لیے اور زمانے کی نہ برتری کے لئے

نعتیہ شاعری میں فداکاری وخودسپردگی کے مفہوم اصنافِ سخن میں اعلیٰ پاکیزہ اور نفیس ترین صنف نعت مبارک ہے۔ حضور صلی اللہ علیہ وسلم

سمتِ کاشی سے چلا جانبِ متھرا بادل سمتِ کاشی سے چلا جانبِ متھرا بادل برق کے کاندھے پہ لاتی ہے صبا گنگا جَل گھر میں

سیرتِ سرکار کا ہر رنگِ تاباں نعت ہے نعت ہے نورِ ادب، جانِ سخن، روحِ ثنا نعت ہے فیضِ خداوندی، محبت کی ادا نعت