اے شفیع روز محشر، السلام

بادشاہ ہفت کشور، السلام
اے شفیع روز محشر، السلام

ساقی تسنیم و کوثر، السلام
اے سکون قلب مضطر، السلام

تیرے دم سے ہے منور دوجہاں
"اے شب میلاد سرور، السلام”

آپ سے روشن ہے میری شام زیست
اور صبح جاں منور، السلام

چاند، سورج اور ستارے، کہکشاں
ہیں خمیدہ آپ کے در، السلام

جن و انساں ہی نہیں، شام وسحر
پڑھتے ہیں قدسی بھی جھک کر السلام

کیوں نہ ہو ورد زبان خاص و عام
بھیجتا ہے رب اکبر، السلام

اے شفیع المذنبیں بلوائیے !
مظہرعاصی کو در پر، السلام

(بادشاہ ہفت کشور، السلام)
(اے شفیع روز محشر، السلام)

از :- مظہر علی نظامی علیمی
سنت کبیر نگر یوپی

زمرہ جات

زندگی ہے نبی کی نبی کے لئے تضمین از ادیب رضا بدایونی خسروی کے لئے سروری کے لیے اور زمانے کی نہ برتری کے لئے

نعتیہ شاعری میں فداکاری وخودسپردگی کے مفہوم اصنافِ سخن میں اعلیٰ پاکیزہ اور نفیس ترین صنف نعت مبارک ہے۔ حضور صلی اللہ علیہ وسلم

سمتِ کاشی سے چلا جانبِ متھرا بادل سمتِ کاشی سے چلا جانبِ متھرا بادل برق کے کاندھے پہ لاتی ہے صبا گنگا جَل گھر میں

سیرتِ سرکار کا ہر رنگِ تاباں نعت ہے نعت ہے نورِ ادب، جانِ سخن، روحِ ثنا نعت ہے فیضِ خداوندی، محبت کی ادا نعت