بہت کٹھن سے ہوئی دستیاب آزادی

عیاں جو آج ہے یہ آب و تاب آزادی
بہت کٹھن سے ہوا اکتساب آزادی

زمین ہند کو ہم نے پلاکے خون جگر
کھلائے سینے پہ اس کے گلاب آزادی

ہمارے خون سے رنگیں ہے ہر ورق اس کا
"کبھی تو کھول کے پڑھ لے کتاب آزادی”

امام فضل نے فتویٰ جہاد کا دے کر
ہیں چمکے ہند میں بن کے شہاب آزادی

ہے ظلم زور پہ کوئی امام فضل اٹھے
اے کاش پھر سے بجائے رباب آزادی

ہو داستاں میں ہماری بھی داستاں باقی
تو لائیں پھر سے چلو انقلاب آزادی

ہمارے سر پہ رہے اجملی سدا قائم
سکون زندگی بن کر سحاب آزادی

غلام غوث اجملؔی پورنوی

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ