بے وفاؤں کی طرح اس کو رلائی بارش

جس طرح تیز مرے شہر میں آئی بارش
اُس طرح تیری خبر کیوں نہیں لائی بارش

تیرے پیغام جدائی پہ نظر پڑتے ہی
قلب مضطر سے نگاہوں میں سمائی بارش

ریت پر تم نے لکھا تھا جو پیامِ اُلفت
ایک لمحے میں صنم اس کو مٹائی بارش

حسن سے چاند ستاروں کی چمک آئے گی
غسل کر لو مری آنکھوں نے بہائی بارش

آرزو دید کی تیری بھی جو کی تھی میں نے
تو نہیں آئی مگر تنہا ہے آئی بارش

اب کہاں جائے بھلا کرنے شکایت شمسی!
بے وفاؤں کی طرح اس کو رلائی بارش

شمس الحق علیمی مہراج گنج یوپی

زمرہ جات

ننھے بچوں کو بھی ظالم نے کیا خون سے تر نم ہیں آنکھیں مری اور غم سے ہے پھٹتا سینہ سخت دشوار ہے اے

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا