چھلک رہاہے نگاہوں سےآب آزادی

چھلک رہاہے نگاہوں سےآب آزادی
چمک رہا ہے فلک پر شہاب آزادی

بلند اس لئے سر ہے مرا زمانے میں
دیا ہے نیزے پہ چڑھ کرخطاب آزادی

ہے داستان شہادت سے ہر سطر روشن
” کبھی تو کھول کے پڑھ لے کتاب آزادی”

جب اپنےخون سےسینچاوطن کےگلشن کو
چمن میں تب کھلا جا کر گلاب آزادی

لگا دیا ہے اکابر نے جان کی بازی
کھلاہےتب کہیں جاکرکے باب آزادی

ہمارے خون سے روشن ہیں ہندکے ذرے
ہمارا خاک تو لے گا حساب آزادی

رہ غلامی کی جانب قدم نہ بہکیں گے
پیا ہے ہم نے اۓ مظہر! شراب آزادی

(چھلک رہاہے نگاہوں سےآب آزادی)
(چمک رہا ہے فلک پر شہاب آزادی)

مظہر علی نظامی علیمی
سنت کبیر نگر یوپی

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ