دل کی پوری آرزو ہونے لگی

جب وہ میرے روبرو ہونے لگی
دل کی پوری آرزو ہونے لگی

جیسے جیسے فاصلے گھٹتے گیے
دھڑکنوں میں تو ہی تو ہونے لگی

عاشقی نے جب اثر مجھ پر کیا
خود سے خود کی گفتگو ہونے لگی

ہم کو پہلے بے وفا سمجھا گیا
"پھر ہماری جستجو، ہونے لگی”

جھیل سی اس کی نگاہیں دیکھ کر
ڈوبنے کی آرزو ہونے لگی

قید مجھ کو کر کے اپنے قلب میں
اس جہاں میں سرخرو ہونے لگی

ساتھ رہنے کا ترا وعدہ رہا
پھر اچانک کیوں عدو ہونے لگی

عشق ہوتا تھا ہمارے دور میں
اب یہ چاہت فالتو ہونے لگی

ڈر گئی شمسی! مری جانِ غزل
گفتگو جب چار سو ہونے لگی

شمس الحق علیمی مہراج گنج یوپی

متعلقہ اشاعت

صورتِ شعر مرے دھیان میں آجاتا ہے اِک تصور ہے جو عنوان میں آجاتا ہے فرطِ جذبات میں کہتا ہوں جو "ربِّ اَرِنی” "لَن تَرانی”

کیا دیجیے جواب اجل کے پیام کا اعجاز منھ تکے ہے ترے لب کے کام کا کیا ذکر یاں مسیح علیہ السلام کا رقعہ ہمیں

سرور و کیف کا جب بھی سوال آتا ہے تو یک بہ یک مجھے اُس کا خیال آتا ہے گھڑی کی چال سے دل کو

غزل "یاد ہے” ہمیں تمھاری دشمنی و دوستی بھی یاد ہے بتاؤ جان جاں تمھیں یہ دل لگی بھی یاد ہے شعور کو سنوارنے کی