غزل کے شعر سناؤں اگر اجازت ہو

تمھارے پاس میں آؤں اگر اجازت ہو
میں اپنا حال سناؤں اگر اجازت ہو

میں سوچتا ہوں کہ آکر تمھاری محفل میں
غزل کے شعر سناؤں اگر اجازت ہو

مری مرادوں کا ایک چاند ہوگیا روشن
میں چاندنی میں نہاؤں اگر اجازت ہو

جو چاہیے وہ کہو میری جان جلدی سے
ستارے توڑ کے لاؤں اگر اجازت ہو

کہو تو توڑ دوں رسم و رواج کا بندھن
میں تم کو اپنا بناؤں اگر اجازت ہو

رہ حیات میں اب پیار اور محبت کی
میں تجھ پہ خوشبو لٹاؤں اگر اجازت ہو

رہ حیات میں دانش بہت اندھیرا ہے
چراغ دل کا جلاؤں اگر اجازت ہو

اقبال دانش کیموری

زمرہ جات

باپ کی شفقت میں ہے رعبِ تپیدہ کا اثر منتشر وقتوں میں لاتا ہے وہ نظم و اتصال زندگی پر پھر نہیں چڑھتا ہے

وہ ایک شخص جو ہر دم سفر میں رہتا ہے اسی کا فیض ہے دانا جو گھر میں رہتا ہے اسے سمجھتی ہے دنیا کہ

زندگی کے صحرا کی خاک چھانتا ہے وہ بچوں کی ضرورت کو کام جانتا ہے وہ تلخ گھونٹ پیتا ہے مشکلوں کے ساحل پر اپنے

خواب میں والدِ ماجد کا جو چہرہ دیکھا حرمِ پاک میں جیسے رخِ کعبہ دیکھا نور کی ایک لڑی رخ پر گزرتی دیکھی چوڑی پیشانی