ہر ایک شخص سے لیں گے حساب آزادی

تو ہی بتا دے ہمیں اے جناب آزادی
اسی کو کہتے ہیں تعبیر خواب آزادی

جلا کے راکھ ہر اک شہر کو یہ کر دیگا
چھلک رہا ہے جو آنکھوں سے آب آزادی

ہمارے وقت کا سورج ذرا نکلنے دو
ہر ایک شخص سے لیں گے حساب آزادی

قفس کا حال سناؤں میں اس کو رو رو کر
کہ روبرو تو کبھی ہو جناب آزادی

جو سانپ پال رکھے ہم نے آستینوں میں
نگل نہ جائے کہیں پھر شبابِ آزادی

ہر اک ورق پہ ہمارے لہو کے چھینٹے ہیں
کبھی تو کھول کے پڑھ لے کتاب آزادی،،

اٹھی جدھر بھی نظر اس طرف ہی قاتل ہیں
سہی نہ جائے ،،اسد،، اب یہ تاب آزادی

اسد غازی پوری

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ