عشق میں آنسو بہائے ہیں بہت

زندگی اب خوبرو ہونے لگی
آپ سے جب گفتگو ہونے لگی

عشق میں آنسو بہائے ہیں بہت
آنکھ میری با وضو ہونے لگی

مل گیا کیا کوئی تجھ کو دوسرا
مجھ سے اب جو دور تو، ہونے لگی

جان جاناں اب ترے دیدار کو
"پھر ہماری جستجو ہونے لگی "

لوگ پہلے دل سے ملتے تھے مگر
اب محبت فالتو ہونے لگی

دیکھ کر نظریں چرا لیتی تھی جو
اب وہ میرے روبرو ہونے لگی

بیٹیوں کی لاج رکھ لے یا خدا
خاک ان کی آبرو ہونے لگی

ہوگئی مقبولیت شاداب کی
بات بھی اب چارسو ہونے لگی

شاداب اعظمی
چریاکوٹ, مئو

زمرہ جات

ننھے بچوں کو بھی ظالم نے کیا خون سے تر نم ہیں آنکھیں مری اور غم سے ہے پھٹتا سینہ سخت دشوار ہے اے

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا