جب گرجتے ہیں یہ بادل بارش

کتنا پیاسا ہے یہ جنگل بارش
مانگتا ہے یہ مسلسل بارش

یاد کیا کیا یہ دلاتی ہے مجھے
دل کو کر دیتی ہے بے کل بارش

جو کہ صحرا کو سمندر کردے
اس کو کہتے ہیں مکمل بارش

خوف کھاتی ہے وہ ڈر جاتی ہے
جب گرجتے ہیں یہ بادل بارش

شب ہو تنہائی ہو یادیں ہوں تری
کیوں نہ آنکھوں سے ہو پل پل بارش

آنا چاہے بھی تو وہ آ نہ سکے
کر نہ رستوں کو یوں دلدل بارش

زینؔ کچھ سوئے سے ارمانوں کو
کیوں جگاتی ہے یہ پاگل بارش

زمرہ جات

زندگی ہے نبی کی نبی کے لئے تضمین از ادیب رضا بدایونی خسروی کے لئے سروری کے لیے اور زمانے کی نہ برتری کے لئے

نعتیہ شاعری میں فداکاری وخودسپردگی کے مفہوم اصنافِ سخن میں اعلیٰ پاکیزہ اور نفیس ترین صنف نعت مبارک ہے۔ حضور صلی اللہ علیہ وسلم

سمتِ کاشی سے چلا جانبِ متھرا بادل سمتِ کاشی سے چلا جانبِ متھرا بادل برق کے کاندھے پہ لاتی ہے صبا گنگا جَل گھر میں

سیرتِ سرکار کا ہر رنگِ تاباں نعت ہے نعت ہے نورِ ادب، جانِ سخن، روحِ ثنا نعت ہے فیضِ خداوندی، محبت کی ادا نعت