جو دیکھتے ہیں شب و روز خواب آزادی

جو دیکھتے ہیں شب و روز خواب آزادی
ضرور لائیں گے وہ انقلاب آزادی

وطن سے عشق کا جذبہ تو پائے گا کیسے
"کبھی تو کھول کے پڑھ لے کتاب آزادی”

غلامی چھوڑ کے ہندوستاں کے گلشن میں
کھلائے اہل وفا نے گلاب آزادی

کہاں ہیں آج وہ شمع وفا کے پروانے
کھلا ہے جن کےلہو سے یہ باب آزادی

خیال آیا شہیدوں کا نم ہوئی آنکھیں
کیا جو ہم نے کبھی احتساب آزادی

ہزاروں جانوں کی شامل ہے اس میں قربانی
نہ لا سکے گا کوئی بھی جواب آزادی

نہ پھر نظامی! غلامی کی چھائے تاریکی
نہ ہو غروب کبھی آفتاب آزادی

(جو دیکھتے ہیں شب و روز خواب آزادی)
(ضرور لائیں گے وہ انقلاب آزادی)

محمد امیرحمزہ نظامی رانچوی جھارکھنڈ

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ