خدائے پاک کا جو کچھ بھی کائنات میں ہے

خدائے پاک کا جو کچھ بھی کائنات میں ہے
ہر ایک چیز نبی ﷺ کے تصرفات میں ہے

ہوئی ہے نور کی برسات ان ﷺ کے عاشق پر
یہ بات برسوں سے میرے مشاہدات میں ہے

میں دیکھ سکتا نہیں روضہء رسول ﷺ مگر
دیارِ شاہِ دیں میرے تصورات میں ہے

کہا خدا نے ہے قرآن میں یہی پڑھ لو
مرے حضور ﷺ کی تعظیم واجبات میں ہے

گدا کو شاہ بنا دیں کرم سے اپنے وہ ﷺ
شہ مدینہ ﷺ کی سب چشم التفات میں ہے

نبی ﷺ کی نعت کہوں میری یہ بساط کہاں
کہ ان ﷺ کی ذات کا چرچا تو شش جہات میں ہے

کسی سے عشق کا دعویٰ بھلا کرے گا کیوں
نبی ﷺ کا عشق جو معصوم کی حیات میں ہے

انعام الحق معصوم صابری

 

Share this on

Share on facebook
Share on whatsapp
Share on twitter
Share on telegram
Share on email
Share on print

متعلقہ اشاعت

جواب دیں