کیوں ہم سے مانگ رہے ہو حسابِ آزادی

سدا مہکتے رہیں گے گلابِ آزادی
مزید بڑھتا رہے گا شبابِ آزادی

ملے گا نام ہمیشہ ہی دیں کے پیاروں کا
اٹھایا جاۓ گا جب جب حجابِ آزادی

وہ فضلِ حق ہوں لیاقت یا احمد اللہ ہوں
سبھی کے خوں سے ہوئ نم ترابِ آزادی

وہ چڑھ کے پھانسی کے پھندے کو چومتے کافی
ہمیں سے کر کے گۓ ہیں خطابِ آزادی

ہمارے خوں کے نشاں ہیں وطن کی مٹی پر
کیوں ہم سے مانگ رہے ہو حسابِ آزادی

بھرے ہوئے ہیں سبھی باب اہلِ ایماں سے
کبھی تو کھول کے پڑھ لے کتابِ آزادی

ادیب کیسے بھلائیں گے ان شہیدوں کو
جو لکھ گۓ ہیں لہو سے نصابِ آزادی

محمد ادیب رضا بدایونی

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ