معذرت

*معذرت*

۔۔۔۔۔۔۔۔۔۔۔۔۔۔۔

چلو ہم مان لیتے ہیں

محبت اب بھی زندہ ہے۔۔۔

مگر کیا ایک سہمی سہمی آنکھوں والے

اک معصوم لڑکے پر

جفا کے تیر برسانا

اسے بے آبرو کرنا

زمانے بھر کی بے رحمی کی تپتی ریت پر

لا کر بچھا دینا

سلا دینا

محبت ہے ۔۔۔۔۔؟

ارے اس نے تو

اپنے دل کی پاکیزہ مبارک بے غبارہ میں۔۔

تصور کے چمکتے قیمتی شفاف کاغذ پر۔۔۔

لبوں کے گدگداتے نرم ریشوں کی

نشیلی سرخ پرتوں پر

رگوں میں دوڑتے پھرتے

لہو کے قطرے قطرے پر

ترا ہی نام لکھا تھا۔۔۔۔

تجھے ملنے کی خاطر

رات کی دوپہریوں کی بھی

کوئی پرواہ نہیں کرتا۔۔۔

تری معمولی سی خواہش کو

پورا کرنا فرض اولین کہتا۔۔۔

تجھے وہ چودہویں راتوں میں چھٹکی چاندنی کہتا۔۔۔

تری زلفوں کے کالے رنگ کو وہ سرمئی کہتا۔۔۔۔

ترے گالوں کو وہ تشبیہ دیتا

شام کے کے سورج کے سونے سے۔۔۔

ترے ہونٹوں کو

پھولوں کی لہکتی پنکھڑی کہتا۔۔۔۔

مگر تو نے۔۔

بچارے کے مقدر میں

بھیانک رات کی سیاہی کا خط کھینچا۔۔۔۔

جو اس کے پیار نے بخشی تجھے

اس مرمریں رنگت کے آگے

تو نے اس کو ہیچ گردانا۔۔۔

گھنیری بادلی زلفوں سے تونے

اس کے ارمانوں کے فردوسی نشیمن پر

دہکتی آگ بر سا دی۔۔۔

اگر پھر بھی تجھے لگتا ہے

تو نے اس محبت کو

ابھی تک زندہ رکھا ہے۔۔

تو ایسے پیار سے

ایسی محبت سے

وہ لڑکا معذرت خواہ ہے۔۔۔۔

معذرت

               *ناصر خان*

            *نعمت مصباحی*

یہ سب دھواں ہے میاں گلفشار تھوڑی ہے

شر پسندوں کی حکومت ہے ذرا دھیان رہے