میں تیرے شہر میں آؤں اگر اجازت ہو

میں تیرے شہر میں آؤں اگر اجازت ہو
غمِ فراق مٹاؤں اگر اجازت ہو

بہت اداس ہوں آقا کرم کریں مجھ پر
میں اپنے زخم دکھاؤں اگر اجازت ہو

نہیں ہے راہ کوئی دوسری سوا تیرے
تمھیں کو درد سناؤں اگر اجازت ہو

مرے کریم! کرم پر بشوق ہر لمحہ
خوشی کے آنسوں بہاؤں اگر اجازت ہو

ہے دل میں غم درِ اقدس سے دور رہنے کا
یہ راز تم کو بتاؤں اگر اجازت ہو

بقیعِ پاک میں دو گز زمیں ملے گر تو
خوشی سے روتی ہی جاؤں اگر اجازت ہو

ثنائے خواجۂ کون و مکاں پہ سلؔمہ
سکوں قرار لٹاؤں اگر اجازت ہو

(میں تیرے شہر میں آؤں اگر اجازت ہو)
(غمِ فراق مٹاؤں اگر اجازت ہو)

سلمہ فاطمہ رضویہ

زمرہ جات

ننھے بچوں کو بھی ظالم نے کیا خون سے تر نم ہیں آنکھیں مری اور غم سے ہے پھٹتا سینہ سخت دشوار ہے اے

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا