مرے چمن میں ہیں مہکے گلابِ آزادی

ہر ایک رخ پہ درخشاں ہے تابِ آزادی
دل و دماغ پہ چھایا شبابِ آزادی

نیا سویرا نئی روشنی یہ یونہی نہیں
لہو سے ڈھالے ہیں ہم آفتابِ آزادی

خزاں رسیدہ غلامی کی بیڑیاں ٹوٹیں
مرے چمن میں ہیں مہکے گلابِ آزادی

کھلے ہوئے ہیں اخوت کے ہر سو میخانے
خوشی میں جھوم کے پیجے شرابِ آزادی

اسی کی آج یہ تعبیر ہے وطن میرا
مرے بزرگوں نے دیکھا جو خواب آزادی

خلوص و پیار کا محور کا اس کا ہر نقطہ
وفا کا درس سکھاتا ہے بابِ آزادی

ہزاروں جانیں گنوائیں ہیں تب کہیں دانش!
ہمارے ہاتھ لگا انقلابِ آزادی

دانش حسیب

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ