محب ملک کیئے انتخاب آزادی

محب ملک کیئے انتخاب آزادی
انھی کی دین ہے یہ انقلاب آزادی

یہاں کی خاک میں شامل ہے جن کا خون جگر
ہے آج خالی انھی سے خطاب آزادی

ہٹا کے آنکھ سے عینک عناد و نفرت کا
"کبھی تو کھول کے پڑھ لے کتاب آزادی”

چمن کو کر دیا برباد ظالمو ! تم نے
کچل دیا ہے شباب گلاب آزادی

نہ بھید بھاؤ رہے ‘ذات پات’ کا کوئی
یہی ہے دوستو ! لب لباب آزادی

کھلا دے پھر سے خدایا ! محبتوں کا چمن
گرا دے پھر سے جھما جھم سحاب آزادی

ہمارے آبا و اجداد تھے شہید وطن
انھی کا خون ہے راحت نصاب آزادی

(محب ملک کیئے انتخاب آزادی)
(انھی کی دین ہے یہ انقلاب آزادی)

از راحت انجم (ممبئی)

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ