پڑھ رہے ہیں ماہ و اختر الصلواة والسلام

پڑھ رہے ہیں ماہ و اختر الصلواة والسلام
ورد ہے سب کے لبوں پر الصلواة والسلام

اولی و اعلیٰ و برتر الصلواةوالسلام
بعدِ رب ہیں سب سے بڑھ کر الصلواة والسلام

اے شفیعِ روزِ محشر الصلواة والسلام
اے قسیمِ جامِ کوثر الصلواة والسلام

جشنِ میلادالنبی کی ساعتیں کیا خوب ہیں
لمحہ لمحہ ہے معطر الصلواة والسلام

پڑھ رہے ہیں جھوم کر خرد و کلاں سب مرحبا
خوشنما لگتا ہے منظر الصلواة والسلام

اے معظّم کر مسلسل با ادب نعتیں رقم
فکر کو کر لے منور الصلواة والسلام

معظّم ارزاں شاہی دوست پوری

Share this on

متعلقہ اشاعت

This Post Has 2 Comments

جواب دیں