پِلایا اہل وطن کو ہے جامِ آزادی

قلم اٹھا ہے اٹھے گا بنامِ آزادی
بتایا جائے گا یونہی مقامِ آزادی

وہ نعرہاۓ جنوں انقلاب زندہ باد
اسی کے ساتھ ہوا اہتمامِ آزادی

بکھر چکے ہیں سیاست کے نام پر ہم لوگ
تبھی تو زیر و زبر ہے نظامِ آزادی

لہو ہمارے بزرگوں کا اس میں شامل ہے
اسی لئے ہے ہمیں احترامِ آزادی

اسیر صبحِ غلامی کے ہو نہیں سکتے
جو ہو چکے ہیں فدا تجھ پہ! شامِ آزادی

لگا کے جان کی بازی وطن پرستوں نے
پِلایا اہل وطن کو ہے جامِ آزادی

نمک لہو میں وفا کا ہے جب تلک حسنین
وطن سے ہوگا نہیں اختتامِ آزادی

ازقلم:۔ حسنین رضا قادری بلرامپوری

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ