رفتہ رفتہ وہ قریب آنے لگے

آپ سے جب گفتگو ہونے لگی
چادرِ دل خود رفو ہونے لگی

رفتہ رفتہ وہ قریب آنے لگے
پوری دل کی آرزو ہونے لگی

ان سے وابستہ میں جب سے ہو گیا
میری شہرت چار سو ہونے لگی

جب اُنھیں کوئی نہ ہم سا مل سکا
” پھر ہماری جستجو ہونے لگی "

جانے کیوں لہجے میں تبدیلی ہوئی
آپ سے تم ، تم سے تُو ہونے لگی

وہ ہمارے ان کے ہم ہونے لگے
زندگانی خوبرو ہونے لگی

عشق کی دل تک ہوئی جب دسترس
زیست غم کے رو بہ رو ہونے لگی

ہاتھ فیصل اس نے تھاما جب مرا
میری پھر دنیا عدو ہونے لگی

فیصل قادری گنوری

متعلقہ اشاعت

کل جہاں سے خوبصورت اور حسیں ، پیارا وطن دیکھو کتنا ہے عظیم الشان یہ میرا وطن اس کی خاطر پیش کی ہیں ان گنت

جو تھا صدیوں سے مرا دارالاماں ، آزاد ہے شکر ہے اللہ کا، ہندوستاں آزاد ہے ملک میں کوئی نہیں اب ناتواں ، آزاد ہے

سطوت ارض وطن کا ہر نشاں آزاد ہے ملک کا ہر بچہ ، بوڑھا اور جواں آزاد ہے ان بہادر نوجوانوں کی وفاؤں کو سلام

مرتبہ تیرا زمانے میں بڑھایا ہے وطن تُجھ کو آزادی فرنگی سے دلایا ہے وطن فضل حق،اشفاق،ٹیپو،اور ،بھگت، آزاد نے جان دے کر محترم تُجھ