اٹھائے امن کا پرچم یوں نوجوان چلے

اٹھائے امن کا پرچم یوں نوجوان چلے
ستم کے تیروں سے چھلنی لہو لہان چلے

کفن کو باندھ کے سر سے خلاف ظلم و ستم
دو چار لوگ نہیں پورے خاندان چلے

اجڑ نہ جائے کہیں مئے کدۂ محبت کا
اِسے بچانے کو ساقی و بادہ خوان چلے

یہ چند الو جو ہندی چمن میں آبیٹھے
بہار و بلبل و گل ہی کیا باغبان چلے

شریک غم ہیں اے فصل بہار ہندی ترے
لہو سے سینچنے والے وہ پاسبان چلے

اے خاک ہندی فدا تجھ پہ جان و تن کر کے
وہ سرفروش وطن سوئے آسمان چلے

سمیر جن پہ یقیں اعتماد تھا ہم کو
وہ مہربان ہمارے وہ حرزجان چلے

مبارک سمیر

زمرہ جات

زندگی ہے نبی کی نبی کے لئے تضمین از ادیب رضا بدایونی خسروی کے لئے سروری کے لیے اور زمانے کی نہ برتری کے لئے

نعتیہ شاعری میں فداکاری وخودسپردگی کے مفہوم اصنافِ سخن میں اعلیٰ پاکیزہ اور نفیس ترین صنف نعت مبارک ہے۔ حضور صلی اللہ علیہ وسلم

سمتِ کاشی سے چلا جانبِ متھرا بادل سمتِ کاشی سے چلا جانبِ متھرا بادل برق کے کاندھے پہ لاتی ہے صبا گنگا جَل گھر میں

سیرتِ سرکار کا ہر رنگِ تاباں نعت ہے نعت ہے نورِ ادب، جانِ سخن، روحِ ثنا نعت ہے فیضِ خداوندی، محبت کی ادا نعت