ویسے یہ دل بہل نہیں سکتا

اب میں آگے بھی چل نہیں سکتا
راستہ بھی بدل نہیں سکتا

موت اک دن ضرور آنی ہے
موت کا وقت ٹل نہیں سکتا

کیا سنبھالے گا وہ کسی کو جو
گر کے خود ہی سنبھل نہیں سکتا

تم ہی آؤ تو کچھ قرار آئے
ویسے یہ دل بہل نہیں سکتا

اس کی باتوں پہ اعتبار ہو کیا
جو مرے ساتھ چل نہیں سکتا

یہ گماں آپ کا غلط ہے میاں
درد شعروں میں ڈھل نہیں سکتا

لوگ ہیں سنگ دل یہاں فیصل
سچ ہے پتھر پگھل نہیں سکتا

فیصل قادری گنوری

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ