یہ پوچھتا ہے دلِ بے قرار کا موسم

یہ پوچھتا ہے دلِ بے قرار کا موسم
بتاؤ کیسا ہے؟ دریا کے پار کا موسم

چراغ وصل جلاکر تم آگے بڑھ جاؤ
لو آ گیا ہے محبت کا ، پیار کا موسم

مزہ بہار کا برسات میں لیا جائے
چلا گیا ہے اگرچہ بہار کا موسم

خیال اپنے پرائے کا پہلے ہی رکھ لیں
بدلنے والا ہے قرب و جوار کا موسم

خزاں رسیدہ چمن کو بنانے آیا ہے
ہمارے شہر طرف خلفشار کا موسم

بچا کے مال و متاع آپ اپنے رکھ لیجے
پھر آ چکا ہے ادھر لوٹ مار کا موسم

کسی طرح بھی تو اپنا بنا اسے فارِح
ترے ہے ہاتھ لگا اختیار کا موسم

یہ پوچھتا ہے دلِ بے قرار کا موسم
بتاؤ کیسا ہے؟ دریا کے پار کا موسم

فارِح مظفرپوری

زمرہ جات

باپ کی شفقت میں ہے رعبِ تپیدہ کا اثر منتشر وقتوں میں لاتا ہے وہ نظم و اتصال زندگی پر پھر نہیں چڑھتا ہے

وہ ایک شخص جو ہر دم سفر میں رہتا ہے اسی کا فیض ہے دانا جو گھر میں رہتا ہے اسے سمجھتی ہے دنیا کہ

زندگی کے صحرا کی خاک چھانتا ہے وہ بچوں کی ضرورت کو کام جانتا ہے وہ تلخ گھونٹ پیتا ہے مشکلوں کے ساحل پر اپنے

خواب میں والدِ ماجد کا جو چہرہ دیکھا حرمِ پاک میں جیسے رخِ کعبہ دیکھا نور کی ایک لڑی رخ پر گزرتی دیکھی چوڑی پیشانی