زمینِ ہند پکاری جو ہائے آزادی

زمینِ ہند پکاری جو ہائے آزادی
تو خون دے کے مسلمان لائے آزادی

اُدھر کو پھانسی کفایت علی کی گردن میں
ادھر کو ہند میں گونجی صدائے آزادی

زمینِ ہند اسے کیسے بھول سکتی ہے
وہ جس کے خون سے ہے ابتدائے آزادی

جب اتحاد کے سائے میں لوگ آتے ہیں
تو یونہی بہتی ہے ہر سو ہوائے آزادی

ہےاس میں ہندی مسلماں کی جہدکی خوشبو
مہک رہی ہے جو اب تک فضائے آزادی

امامِ فضل کی عظمت رکھے خدا محفوظ
وہ جن سے اوج کو پہنچا لوائے آزادی

لہو سے کس کے ہے ر نگیں زمینِ ہند احمد
اُتار کر ذرا دیکھو قبائے آزادی

(زمینِ ہند پکاری جو ہائے آزادی)
(تو خون دے کے مسلمان لائے آزادی)

غلام احمد رضا نیپالی

زمرہ جات

خصوصی انعامی مشاعرہ کے فائنل نتائج 77/ویں یو آزادی ہند کے حسین موقع پر منعقد گلوبل اردو اور مسلم اسٹوڈنٹس آرگنائزیشن آف انڈیا کے خصوصی

جو کی تھی ہم نے کبھی جستجوئے آزادی اسی کے دم سے وطن میں ہے بوئے آزادی اٹھو وطن کے عزیزو! وطن بچانے کو دبا

ضبط اپنا شعار تھا نہ رہا دل پہ کچھ اختیار تھا نہ رہا دل مرحوم کو خدا بخشے ایک ہی غم گسار تھا نہ رہا

شانِ مجاہد آزادی علامہ کافی علیہ الرحمہ آبروے اہل حق ، نازش ایوان سخن، پیکر استقامت، سلطانِ نعت گویاں ، مجاہد آزادی 1857؁ء حضرت علامہ